ceip Torre Illa

FESTA FIN DE CURSO 2010-2011

2011-06-29T15:24:00.004+02:00

Chegamos ó remate do curso, e logo de todo o ano de traballo e dos exames, todos tiñamos ganas de festa. Sabíano ben na ANPA, xa que organizaron unha merenda para todos, con refrescos e bocatas de chourizos asados e tortilla. Tamén trouxeron ó paiaso Popín, co que disfrutamos pequenos e maiores. Bromas, trucos de maxia e música encheron o patio de alegría e bo humor.

Tampouco faltaron as emocións na despedida ó alumnado de sexto, que marcha para o instituto. Todos recolleron orgullosos os seus diplomas e despedíronse con agarimo do colexio e dos mestres.

Outros que marchan, aínda que non moi lonxe, son os nenos e nenas de 5 anos. Deixan Educación Infantil e pasan ó "cole dos maiores". Eles tamén recolleron os seus diplomas moi contentos.

Boas vacacións e ata pronto!!!!!

FESTIVAIS E EXHIBICIÓNS DE FIN DE CURSO

2011-06-27T10:59:00.000+02:00

Achegándose ó remate do curso aumentaron as actividades no cole: festivais, exhibicións de pintura, kenpo e ximnasia ritmica foron algunhas das actividades que tivemos neses días previos ás vacacións.

Os festivais foron todo un éxito. Cantamos, bailamos e tocamos cancións cos instrumentos musicais. Tamén houbo trucos de maxia gracias ós magos e magas de primeiro. Logo chegaron as despedidas do alumnado de sexto, que marcha para o instituto o ano que ven. O certo e que foron moi simpáticas e emotivas. Botarémolos de menos o vindeiro curso.

As exhibicións de ximnasia rítmica, baloncesto, kenpo e pintura deron conta do esforzo de todo un curso de traballo. Todos quedamos pasmados coas manualidades e debuxos de pintura, coas destrezas que amosaron os nenos e nenas de kenpo, e divertímonos vendo as competicións que organizaron en baloncesto.

Tamén demostraron o seu talento as nenas de ximnasia rítmica, coas súas espectaculares actuacións. Sempre quedamos abraiados e emocionados coa intensidade coa que viven este deporte e a precisión coa que realizan cada exercicio.

GRANXA O KIRIKO

2011-06-23T12:30:00.000+02:00

As nenas e nenos de 1ºe 2º marchamos de excursión o 6 de xuño rumbo a granxa o Kiriko.
Alí participamos no obradoiro da elaboración da la.
O primeiro que tivemos que facer foi coñecer os diferentes tipos de ovellas.

Elas non se deixaban coller e tivemos que andar tras delas.

Corre que te corre. Monte arriba e...

monte abaixo.
Despois participamos no proceso de lavado da la. Foi un pouco desagradable porque a lá das ovellas estaba un pouco porca e cheiraba.

Frotamos co xabón "El lagarto" unha e outra vez e conseguimos que quedara así de branca

Xa a tiñamos lista para os seguintes pasos que se desenrolaron no interior da granxa cos monitores.
Pero tamén tivemos tempo para moitas cousas máis:

Vimos as vacas!!

O cabalo que veu do Exército a descansar á granxa.

Tamén un cabalo de carga.

O burro

e moitos animais máis: porcos, pavos, galiñas, kikos...
Pero tamén tivemos tempo para comer porque despois de un día tan longo tiñamos moiiita fame. Aquí estamos no comedor todos sentadiños e comendo as nosas tortillas, filetes empanados, ensaladillas e bocatas.

Deixáronnos tamén un tempiño libre, merecíamolo!!!

Pasámolo moi ben!!!
Ata a do vinderio ano!!

A ILLA DAS DORNAS

2011-06-23T09:46:00.001+02:00

O alumnado de 6º de Educación Primaria tivo a oportunidade de vivir a experiencia da navegación nunha das embarcacións tradicionais da Escola de Navegación da A.C.D. Dorna. As embarcacións foron unha lancha xeiteira e unha buceta, e os patróns fixeron tamén de mestres por un día ensinando moitas cousas ós nenos e ás nenas. Non só de navegación, tamén de como era a vida dos mariñeiros que traballaban nestas embarcacións. Todos o pasaron moi ben, e ata lles deixaron levar a cana do timón. Xa vedes que ben a manexan!

DESPEDIDA EN INFANTIL

2011-06-21T18:40:00.002+02:00

Os nenos e nenas de 5 anos rematan en Educación Infantil. Moitas cousas cambiarán o vindeiro curso. Marchan con moita ilusión, porque xa son "maiores", pero seguro que botarán de menos ás súas mestras e ós seus compañeiros. Eles tamén os botarán en falta, sobre todo á hora do patio e outras actividades. Por iso animáronse facendo esta fabulosa festa de despedida para os nenos e nenas que van para o primeiro curso de Educación Primaria. E non hai festa que se preze sen unha boa merenda. Así que puxéronse a cociñar canapés e tarta. Mirade que boa pinta ten todo. Estaba boísimo!

LECTURA, XOGOS E DIVERSIÓN

2011-06-17T18:36:00.002+02:00

Aproveitando os días de bo tempo, as nenas e os nenos de 4º B cambiaron as aulas do cole polo maravilloso entorno de Cabodeiro. Levaron algúns dos libros da súa "biblioteca de aula" para gozar da experiencia da lectura escoitando de fondo o son do mar e o ruxir dos pinos. A lectura deu paso aos xogos, e como vedes parece que o pasaron xenial. Unha merendola servíu para repoñer forzas antes de regresar ao cole para seguir coas súas tarefas, eso sí, co ánimo renovado. Un día estupendo!

VISITA DA ESCOLA INFANTIL DA ILLA DE AROUSA

2011-06-15T18:29:00.002+02:00

Hoxe viñeron a visitarnos os nenos e nenas de tres anos da "Escola Infantil da Illa de Arousa". Tiveron ocasión de coñecer as instalacións do cole e algunhas aulas de Educación Infantil, onde escoitaron un conto e cantaron cancións. Trouxeron un agasallo para adornar a aula de moitos deles o vindeiro curso, a de tres anos. Logo visitaron a biblioteca e alí disfrutaron coa morea de libros que atoparon e coa pizarra dixital. Pero o que máis lles gustou foi o pavillón de deporte, onde a profe Susa tíñalles preparado un circuito e xogos divertidos. Ao rematar todos dixeron que o pasaran ben e que lles gustara moito o "cole dos maiores". Ata pronto!!!

AS GAMELAS DO COLE

2011-06-10T21:14:00.010+02:00

Crear e experimentar son dous xeitos fabulosos de aprender. O saben moi ben no terceiro ciclo de Educación Primaria, que levan tempo traballando na elaboración das súas gamelas en miniatura con cartulina e outros materiais. Con elas aprenderon as características destas embarcacións, e os aspectos que as diferencian doutras embarcacións tradicionais, como as dornas, as lanchas xeiteiras ou os galeóns. Eloy quixo facer a súa en madeira e non lle falta o máis mínimo detalle, ata ten a rede coa pesca do día. Esforzáronse moito todos, e fixeron un excelente traballo. Da gusto velas!!!

O SEGREDO DE 4º A

2011-06-08T14:03:00.003+02:00

Nunha árbore que hai ó lado dunha ventà de 4ºA hai un niño dunha pomba torcaza. Ese niño descubrírono Paula Agra e Brais o día 12 de maio. Dende ese día non deixamos de mirala todos os días ao entrar na clase e ao vir do patio. O 16 de maio ao entrar na clase descubrimos que xa puxera os ovos. Dende ese dia a pomba torcaza non se moveu para nada a pesar do vento. E a comida traella unha pomba torcaza macho. Nunha pola da árbore os pitiños están incubándose, pero a pomba vixía ben ós seus fillos.

E algo moi bonito e interesante á vez!

Zaira García e Alba Serantes 4º A

DIA MUNDIAL DO MEDIO AMBIENTE

2011-06-06T19:32:00.003+02:00

Onte, 5 de xuño, foi o Día Mundial do Medio Ambiente. E que mellor xeito para celebralo que fomentar o coidado do noso entorno coa recollida selectiva de lixo, facendo compost no noso composteiro ou plantando novas especies no noso patio. Cada curso ten encomendado o coidado de dúas das árbores do noso patio, moitas das cales foron plantadas este mesmo ano, e que veremos crecer pouco a pouco. Aquí están os de 6º B facéndolle sitio a unha das últimas especies en incorporarse á familia, un "Rododendro Fucsia". Moi fermoso verdade?

CADRO CONMEMORATIVO DA PONTE

2011-05-30T20:45:00.002+02:00

Estes días rematamos un fermoso traballo, no que participou todo o alumnado do centro. Aproveitando que ó comezo do curso festexamos o aniversario da ponte, elaboramos un cadro conmemorativo do evento. Partindo dunha fotografía que fixeron os mestres, cada curso fíxose responsable dun anaco de cadro, no que colocou meticulosamente plastilina. Logo de semanas de traballo todos quedamos abraiados co resultado final. Agora só resta atoparlle un sitio para que adorne nos corredores do colexio. Polo de agora podedes velo diante da secretaría do centro.

Unha obra de arte!!!

LETRAS GALEGAS 2011

2011-05-14T13:02:00.003+02:00

A festa do Día das Letras Galegas encheu o patio do Torre Illa. En toda festa que sexa merecedora de levar tal nome ten que haber xogos. Os rapaces puideron desfogarse correndo dun lado a outro, participando en divertimentos herdados dos tempos dos seus avós, ou mesmo poñendo a discurrir o seu maxín para conseguir xogar unha partida de bolos no patio do colexio.

Pero ollo, que aínda houbo máis Letras Galegas nas "Lecturas embolsadas". Todo o patio quedou decorado polas bolsas de papel que a biblioteca municipal da Illa trouxo, e ás que o alumnado engadiu poesías, verbas e debuxos a prol do galego e do homenaxeado no Día das Letras Galegas, Lois Pereiro. Arredor da súa figura estiveron a traballar estes días todos no cole, visitando a exposición de carteis nos corredores do centro e traballando cos mestres e mestras nas aulas.

Podedes ver a notia de "La Voz de Galicia" no seguinte enlace:http://www.lavozdegalicia.es/arousa/2011/05/14/0003_201105A14C16991.htm

MÁIS CONTOS NO PATIO

2011-04-29T19:25:00.004+02:00

Como estaba previsto, onte viñeron os personaxes do conto de "Brancaneves" para ler no patio con todo o alumnado. A expectación era moi grande, e as nais non defraudaron, porque a lectura foi todo un éxito. E non é de extrañar, porque Sandra, Charo, Asun, Geli e Pili o fixeron de conto, coa axuda, claro está, dos sete ananiños de Educación Infantil.

Grazas a todas por participar e vir a ler ó cole!!!

A "Semana do Libro" rematou, e pronto poderedes atopar na biblioteca do cole a recopilación dos contos que quedaron no buzón de Libria estes días. Se aínda non o rematáchedes bulide, porque o buzón recollerase o luns.

SEMANA DO LIBRO E DOS CONTOS

2011-04-27T17:15:00.001+02:00

Este curso adicámoslle a "Semana do Libro" ós contos. Moitas actividades estes días xiran en torno a eles. Fixemos unha exposición no corredor da entrada, hai contos viaxando polas aulas e tamén escribimos e lemos moitos contos. Onte no recreo levamos unha sorpresa cando tres nais, Pili, Geli e Tuca, encarnáronse nos personaxes do conto "El León y el ratón", e o leron para todos.

A lectura maravillou a pequenos e maiores, que non esquezerán o conto que os propios personaxes lles contaron ese día no patio. A fantasía, a imaxinación e os libros seguirán estes días no cole da man doutras nais, e de máis contos. Estade atentos porque é posible que mañá veñan os personaxes de "Brancaneves".

HISTORIA DUN CHÍCHARO

2011-04-14T20:22:00.001+02:00

Agardando para entrar na sala

Hoxe desprazámonos ata o instituto "Francisco Asorey" de Cambados para ver a representación da compañía de teatro "Caracol" titulada "Historia dun chícharo". A obra é unha adaptación do conto da "princesa e o chícharo", na que unha raíña moi resabida argallou unha proba para saber se a dama que casaría co seu fillo era unha princesa de sangue real. Colocou un chícharo debaixo de vinte colchóns para comprobalo. O certo e que todos disfrutamos coa representación e as cancións, que foron sensacionais. A historia resultou moi divertida, non faltaron as sorpresas e o pasamos xenial!!!

Un instante da representación

A COCIÑA DA INCLUSIÓN EN INFANTIL

2011-04-02T10:48:00.008+02:00

O alumnado de Educación Infantil elaborou onte unhas divertidas torradas con paté e queixo, e daba gusto velas e comelas. A actividade formou parte da conmemoración do Día Mundial para a Concienciación do Autismo. A receita atopáronna as nenas e nenos de Infantil nun dos libros con pictogramas que teñen na aula, e decidiron poñerse mans á obra. Todos saben da importancia dos pictogramas para as persoas con autismo, xa que lles axuda a entender mellor as cousas que acontecen ou deben realizar. Logo de seguir as explicacións e visualizar os pasos coa axuda dos pictogramas cociñaron as súas torradas. Estaban deliciosas!!!

OS CAMPIÓNS DO TORRE ILLA

2011-03-30T11:54:00.009+02:00

Parte do alumnado de 3º e 4º de primaria desprazouse esta semana ó ceip San Roque de Corón, onde disputaron as competicións deportivas "Deporte na Escola". Xadrez, fútbol, baloncesto, badminton, voleibol e outras actividades deron conta dos grandes deportistas que temos no cole. Estas competicións, que organizan conxuntamente os centros da bisbarra, son unha gran ocasión para poñer en práctica o aprendido ó longo do curso.

TODOS PODEMOS

2011-03-16T13:46:00.008+01:00

Este é o título do proxecto co que a biblioteca da Illa achegou aos nenos e nenas do noso cole a realidade do autismo. Primeiro tiveron ocasión de asistir a unha charla no cole, que ofreceron os profesores do Centro de Educación Especial BATA Os Mecos. E onte, sete nenos e nenas do colexio foron á biblioteca municipal da Illa de Arousa, e cada un levaba un conto para ler. Outros seis nenos do centro de BATA trouxeron tamén os seus contos, adaptados con pictogramas, para compartir con todos. A actividade resultou moi enriquecedora para todos os participantes.

SEMANA DA PRENSA 2011

2011-03-14T13:28:00.007+01:00

O xoves 10 e venres 11 de marzo tivemos a "Semana da prensa na escola" e visitaron o noso colexio 3 xornalistas: Serxio González (La Voz de Galicia), Fito ( Faro de Vigo) e Suso Piñeiro (Diario de Arousa). Durante a súa visita tiveron ocasión de achegarse un intre a algunha das aulas, ter un encontro en "usos múltiples" co alumnado de 5º e 6º curso de Educación Primaria, e tamén facer unha entrevista en "Radio Carcamán". O alumnado tivo ocasión de coñecer de man dos xornalistas moitos aspectos da profesión, e algúns consellos para escribir mellor. A biblioteca acolleu estes días máis prensa e revistas das que ten habitualmente. Nela tamén traballamos coas edicións dixitais dos xornais. Para escoitar o programa de Radio Carcamán e ver máis imaxes da visita mirade o seguinte video:

ENTROIDO 2011

2011-03-04T16:47:00.011+01:00

Hoxe festexamos o Entroido no cole e polas rúas da Illa de Arousa. O tradicional desfile polas rúas rematou na praza do Regueiro, onde todos os cursos cantaron e bailaron a súa canción. Os ananiños do conto de Brancaneves de Educación Ifantil, os magos de 1º, os pintores e pintoras de 2º, as Lady Gaga e acompañantes de 3º, os cociñeiros e cociñeiras de 4º, os mimos de 5º e os zombis de 6º encheron de cor e alegría a xornada, e fixeron pasar un bo rato a todos os que se achegaron a velos no Regueiro. Tamén houbo algunhas indias, doncelas, diablesas e nenos de San Ildefonso, que hai quen non quere deixar marchar a boa sorte. Pasámolo en grande!

A CARBALLEIRA DA ESCOLA

2011-03-03T17:02:00.005+01:00

O Torre Illa producirá un pouco máis de osíxeno gracias ás novas árbores que o alumnado e os mestres do colexio plantaron estes días. Son 13 carballos, 2 tilias e 2 sobreiras que, xunto cos bidueiros e moreiras que plantaron o curso pasado, farán un pouco máis verde o noso entorno escolar. O compost do noso composteiro daralle alimento a estas pequenas árbores, que medrarán cos coidados do noso alumnado, cada vez máis concienciados da importancia de coidar o medio ambiente para o futuro do planeta.

SEMANA DA PRENSA NA ESCOLA

2011-03-02T11:38:00.009+01:00

O xoves 10 e o venres 11 de marzo será a "Semana da prensa na Escola". Virán ao cole tres xornalistas. Do "Faro de Vigo", do "Diario de Arousa" e de "La Voz de Galicia". Eles axudaránnos a entender un pouco máis o mundo do xornalismo e faremos un programa especial en "Radio Carcamán" o xoves 10 ás 13:30. Estade atentos!!

HOMENAXE A LUISA NO COLE

2011-02-25T16:52:00.007+01:00

A ANPA do colexio organizou unha emotiva homenaxe para Luisa no seu derradeiro día de traballo. Foi unha sorpresa para ela, e participou toda a comunidade educativa, que quixo amosarlle o seu afecto e agradecemento por todos estes anos de dedicación e bo facer no seu posto. Entre bágoas e sorrisos recibíu agasallos, vítores e aplausos de todo o alumnado, das familias e dos mestres. E non faltaron os gaiteiros, antiguos alumnos que viñeron dende o IES para darlle un bico e tocarlle algunha canción. Seguro que non esquecerá esta merecida homenaxe. Lle desexamos a mellor xubilación do mundo á mellor conserxe do mundo!

O DÍA DE ROSALÍA

2011-02-24T18:06:00.008+01:00

Hoxe, 24 de febreiro, celébrase o día de Rosalía de Castro, data conmemorativa do seu nacemento. Consagrada coma a poetisa galega de todos os tempos, deixamos aquí un fragmento dunha das poesías máis fermosas do libro "Cantares Gallegos" e un enlace para que poidades saber un pouco máis da súa figura.

As de cantar

As de cantar,

meniña gaiteira,

as de cantar,

que morro coa pena

Canta, meniña,

na veira da fonte,

canta, dareiche,

boliños do pote...

Papiñas con leite

tamén che darei,

sopiñas con viño,

torrixas con mel.

Patacas asadas,

con sal e vinagre

que saben a noces,

que ricas que saben!

http://www.xunta.es/linguagalega/arquivos/Rosalia_125aniversario.pdf

REPORTAXE A LUISA NA SOLAINA

2011-02-11T17:06:00.006+01:00

Todo o mundo sabe a tristura que temos no cole pola xubilación de Luisa. Todos estamos conmovidos pola súa marcha, e polas mostras de cariño e admiración de toda a comunidade educativa e de moitas persoas que tiveron ocasión de coñecela coma alumnos, nais, pais ou compañeiros. Tamén noutras páxinas e blogs da Illa de Arousa estanse a deixar verbas de afecto e cariño que non dubidedes que lle faremos chegar. Os últimos en dar conta desta noticia foron os do programa "A Solaina", da TVG. Para ver a reportaxe premede co rato no seguinte enlace: http://ww2.crtvg.es/mu/asolaina/2011/02/08/a-mellor-conserxe-do-mundo/

MIROSCOPIAS?

2011-02-09T21:25:00.007+01:00

Xa está aberto o 12º Salón do Libro Infantil e Xuvenil de Pontevedra. Este ano a mentira será o tema principal. Mentiras que desencadean historias coma as do Lobo Feroz, que minte á Carapuchiña, ou as de Pedro e o Lobo, Pinocho, o Gato con Botas...

Entre as exposicións que podedes atopar no Salón está a do Proxecto Miroscopio, que estivo no auditorio municipal da Illa de Arousa hai uns meses, e que xa visitou o alumnado de Educación Infantil e do primeiro ciclo de Primaria. Todos tiveron a oportunidade de mirar polo artefacto chamado "Miroscopio" e "Miroscopiar", que é "mirar cara ó mundo con curiosidade e ilusión, atopando preguntas e buscando as súas respostas. É deixar que esa mirada que teñen todos os nenos siga voando alegre e libre".

DÍA DA PAZ

2011-01-28T14:01:00.010+01:00

O 30 de xaneiro é o Día da Paz e hoxe saímos ó patio para festexalo. O alumnado elaborou unha cadea de pombas da paz, e todos unidos no patio cantamos para lembrar que a paz é importante, e que temos que mantela na convivencia cotiá. Non faltou o Imno da Alegría, que varios nenos e nenas interpretaron cos instrumentos, e un baile que as nenas de 6º prepararon para a ocasión. Os corredores do colexio enchéronse estes días de murais, poesías e mensaxes de paz que fan máis presente aspectos como o significado da paz e os medios para acadala. Algúns deles estan na presentación da dereita "Paz".

A MELLOR CONSERXE DO MUNDO

2011-01-28T13:43:00.005+01:00

Así describe o xornal La Voz de Galicia á nosa querida Luisa. O titular non puido ser máis axeitado, e os que compartimos a xornada con ela sabémolo ben. Ten encomendadas mil e unha tarefas, que leva a cabo sen perder o sorriso. E sempre está cando unha tripiña enferma precisa unha manzanilla, ou cando os mestres precisan dunha axuda par calquera actividade. A súa xubilación está moi próxima, e seguro que a botaremos en falta tanto os mestres coma o alumnado e as familias. Pinchade no seguinte enlace para ler a entrevista completa da Voz. http://www.lavozdegalicia.es/arousa/2011/01/28/00031296173247150463492.htm

EL ELEFANTE ENCADENADO

2011-01-25T17:01:00.006+01:00

Por qué un animal tan forte coma o elefante do circo permite que o manteñan atado a unha minúscula estaca? Esta é a pregunta que un neno quere resolver neste conto. É o único libro que Jorge Bucay escribiu para os nenos, e para os nenos "que habitan nas persoas maiores". Toda unha lección de sabeduría para lembrarnos que non temos que deixar de intentar acadar o que algunha vez non fomos quen de lograr. Se vos gusta neste video, podedes atopar o libro entre as novidades da biblioteca.

BO NADAL E FELICES FESTAS

2010-12-23T11:57:00.006+01:00

A maxia chegou o cole Torre Illa nestas datas de Nadal. Primeiro coas representacións e panxoliñas no festival, e logo coa esperada visita das suas maxestades, os Reis Magos. A emoción e o nerviosismo palpábase dende primeira hora no colexio. Moitos foron os que quedaron abraiados con esta visita. Falaron dos regalos que están por chegar, deixaron algún que outro consello para o vindeiro ano e doces para todo o alumnado. E non faltou algunha sorpresa para os mestres, que onte marcharon moi ledos.

BO NADAL E FELIZ 2011!!!

FELICITACIÓN DE NADAL

2010-12-22T20:59:00.007+01:00

Aquí tendes unha pequena mostra dos traballos de Nadal que estes días decoran as nosas aulas e corredores. Con eles fixemos esta montaxe para felicitarvos as festas. Bo Nadal!!

Para ver a presentación máis grande picade na "Felicitación de Nadal" da dereita.

CONTACONTOS NA BIBLIOTECA

2010-12-17T19:20:00.007+01:00

O alumnado de Educación Infantil recibiu hoxe a visita duns contacontos moi especiais: Laura, Aldara, Begoña e Yanira. Estas catro nenas do centro prepararon na biblioteca municipal da Illa de Arousa unha fabulosa sesión de contos coa axuda da bibliotecaria.

A sesión resultou un éxito e todos quedamos abraiados co ben que o fixeron. O sonoro aplauso ao rematar deixou claro canto gustou. A fantasía, a imaxinación, os libros e a diversión voltaron encher a biblioteca do Torre Illa!!

POESÍA DO OUTONO

2010-12-16T19:59:00.005+01:00

A piques de despedir o outono, as nenas e nenos de primeiro curso agasállannos con este fermoso poema de Antonio García Teijeiro. Non deixedes de pasar polo corredor dos primeiros a vela. Para vela máis grande picade na imaxe.

MAGOSTO

2010-11-17T18:00:00.006+01:00

A choiva deunos un respiro e puidemos festexar o Magosto. Os xogos populares, as castañas asadas e os chourizos fixéronnos disfrutar a pequenos e maiores nesta tradicional xornada. E non faltou a exposición de buxainas decoradas ou peculiares. Se queredes voltar a velos, están na presentación da dereita "Magosto". Sodes uns artistas!!!

SAMAÍN 2010

2010-11-03T17:03:00.004+01:00

Esta celebración de orixe celta encheu o colexio de contos de medo, libros con historias de cabazas animadas e moitas outras lendas relacionadas co Samaín. Pero o que máis deixou o Samaín no noso cole foron cabazas. Este ano quedamos todos impresionados coa cantidade e calidade dos traballos realizados polo noso alumnado e as familias, e queremos felicitarvos a todos e darvos as gracias por participar. Uns traballos xeniais!!!!

Para velas outra vez podedes picar na presentación da dereita "Samaín 2010".

RAQUEL C "NAVEGA E EDUCA"

2010-10-15T19:00:00.007+02:00

"Raquel C" é o nome dunha goleta que tivemos ocasión de visitar esta semana, durante o seu amarre no porto do Xufre. Recibiunos toda a tripulación para amosarnos a embarcación e contarnos a historia deste peculiar barco, que pasou de ser un barco de pesca a piques de desguazar, a unha fermosa goleta. Foi unha experiencia única para coñecer algúns secretos de navegación que non esqueceremos.

ANIVERSARIO DA PONTE

2010-09-16T10:48:00.005+02:00

Benvidos a este novo curso escolar 2010-2011!!! O comezo do curso ven marcado pola conmemoración do 25 aniversario da ponte da Illa de Arousa . O alumnado do centro xa está a visitar, xunto cos seus titores, a exposición no Auditorio Municipal. Nela coñecerán mellor o proceso de construcción desta obra arquitectónica, así como a trascendencia na historia da vila.

REMATE DO CURSO 2009-2010

2010-06-24T19:55:00.007+02:00

O curso chegou ó seu fin, pero non sen a festa de final de curso na que desfrutamos cos xogos e a merenda de chourizos asados, refrescos e tortillas caseiras que o colexio, xunto coa ANPA organizaron para toda a comunidade educativa. Os momentos máis emotivos vivíronse na despedida ao noso querido mestre e compañeiro Angel, pola sua xubilación. Tampouco faltaron as fantásticas representacións teatrais e actuación do noso alumnado no festival de fin de curso, que gustou moito a todos.

Ata o vindeiro curso. Boas vacacións!!!

A ILLA DAS DORNAS

2010-06-22T18:46:00.008+02:00

Este é o título dun proxecto de traballo que comezamos a desenvolver este curso. O obxectivo principal foi o de achegar ao alumnado a unha realidade cultural, social e lingüística que está desaparecendo e que cada día descoñecen máis, co valor engadido de que é a realidade máis inmediata e cercana, a vivida polos seus pais e avós. Realidade que está a mudar moi axiña, polos cambios en canto á forma de vida e no principal modo de sustento para a maior parte das familias da Illa de Arousa: O mar. Con este ambicioso obxectivo iniciamos este proxecto, orientado hacia o terceiro ciclo da Educación Primaria. No video que podedes ver baixo estas liñas están as actividades máis salientables deste curso . Agradecemos moi especialmente a colaboración da ACD Dorna, sen a cal no se poderían levar a cabo algunhas destas actividades.

A MASCOTA DA BIBLIOTECA

2010-06-21T19:39:00.005+02:00

A biblioteca do cole xa ten a sua mascota. Isabel Cristina, de 2º A, gañou o concurso con "LIBRIA". Ela xa está agardando que chege o vindeiro curso para amosarvos todas as novidades que se están a preparar na biblioteca. E non vos esquezades de viaxar cos libros este verán!!!

VISITA DA GALIÑA AZUL

2010-06-11T12:35:00.005+02:00

Hoxe visitáronnos os nenos e nenas da gardería da "Galiña azul", para coñecer un pouco como será o seu cole o vindeiro curso. Visitaron todalas aulas de Educación Infantil e tiveron tempo de pintar, cantar e xogar cos nenos que foron coñecendo nelas. Tamén lles gustou moito o circuito que os mestres Carlos e Susa lles prepararon no pavillón de deportes. O pasaron de medo e seguro que xa están desexando voltar.

LETRAS GALEGAS 2010

2010-05-19T17:44:00.006+02:00

Este ano festexamos o Día das Letras Galegas coñecendo un pouco máis a vida e obra do homenaxeado, Uxío Novoneyra. E non faltaron os xogos tradicionais, un concurso ortográfico e as "Lecturas embotelladas", que fixemos coa colaboración da Biblioteca Municipal da Illa de Arousa. As botellas, moi ben decoradas, gardaban no seu interior contos, poesías, palabras ou debuxos. UNHAS OBRAS DE ARTE!!!

DIA DO LIBRO

2010-04-30T17:44:00.008+02:00

A semana pasada conmemoramos o Día do Libro con varias actividades . Algúns nenos e nenas cambiaron de aula durante uns minutiños para ler algunha cousa noutra aula e a biblioteca volveu a acoller lecturas durante os recreos. Nesta ocasión de nenos e nenas, e non de mestres coma o ano pasado. Tivemos a actuación dun contacontos, "Marionetto". E tamén fixemos unha exposición na entrada do cole cos marcapáxinas que elaboramos estes días.

DENTRO DO BOSQUE

2010-04-16T19:46:00.007+02:00

O pasado mércores, no IES Francisco Asorey de Cambados, a compañía de teatro Caracol representou para o alumnado e profesorado do noso centro a obra "Dentro do bosque". Trataba dun panadeiro e a súa muller, que non podían ter fillos por que estaban enfeitizados por unha bruxa. Para desfacer o feitizo tiveron que reunir unha serie de elementos que atoparon nun bosque, no que coñeceron persoaxes dos contos clásicos como Carapuchiña Vermella, a Cincenta ou Rapuncel.

Todo un éxito!!!

TALLER DE COCIÑA EN INFANTIL

2010-03-22T12:28:00.013+01:00

Os nosos cociñeiros favoritos do cole están que non paran. Logo de facer a Rosca de Nadal e o Roscón de Reis atreveronse coas Rosquillas de anís. Queredes saber como as fixeron? Pois despois de lavar as mans e poñer o gorro de cociña houbo que preparar a masa mesturando a fariña, os ovos, o azucre, a esencia de anís, o aceite e a raiadura de limón. Amasar é moi divertido pero facer formas coa masa aínda o é máis. Fixeron estrelas, círculos e outras formas orixinais. O resultado final foi todo un éxito. As mestras pasaron as rosquillas polo aceite e xa estaban listas para comer. Que boas estaban!!

A SIRADELLA E O ACUARIO

2010-03-18T20:04:00.010+01:00

Os nenos e nenas de 1º e 2º foron hoxe ata o concello do Grove, nunha visita didáctica para aprender un pouco máis da flora e fauna do noso entorno, e que os levou a coñecer o monte Siradella e a Lagoa Bodeira, na que puideron observar cos prismáticos as aves acuáticas migratorias que alí estaban. Tamén se achegaron ao acuario, onde aprenderon moitas cousas da fauna e flora do mar e viron peixes da nosa ría, peixes tropicais e ata tiburóns!

ÁRBORES NOVAS NO PATIO

2010-03-18T19:56:00.013+01:00

O alumnado do "Torre-Illa" está moi concienciado da importancia que ten coidar o noso entorno. Tanto é así que a reciclaxe selectiva está presente en todalas aulas do centro e o noso composteiro segue a pleno rendemento. E para que o cole sexa aínda un pouco máis verde, estes días o alumnado de 4º e 5º, xunto cos seus mestres, levaron a cabo a plantación de novas árbores autóctonas no patio do centro. Todos o viviron con moita ilusión e mentras uns acarretaban a uga, outros acondicionaban o chan, utilizando o propio sustrato que xeramos no noso composteiro.

PRENSA NA ESCOLA

2010-03-03T17:54:00.009+01:00

Do 8 ao 12 de marzo celébrase a semana da prensa na escola.
Estade atentos.

ENTROIDO

2010-02-12T18:07:00.006+01:00

Un ano máis festexamos o entroido con ilusión. Paiasos, piratas, mariñeiros, fichas de dominó, bailongos da movida dos 80, persoaxes da película "Greease", peregrinos, médicos, bruxas e ata leóns e sevillanas encheron de cor e música co seu desfile a rúas da Illa de Arousa. A Praza do Regueiro volveu a acoller as actuacións, coa letra e a coreografía que mestres e alumnos viñeron preparando estes días. E xa de volta, e para recuperar folgos, degustamos as orellas, filloas e rosquillas que as nais e pais prepararon para todos.Unha festa fabulosa!!!

DÍA DA PAZ

2010-02-03T20:05:00.009+01:00

O 31 de xaneiro conmemoramos o Día da Paz. Os murais e as poesías que fixeron estes días as alumnas e alumnos decoran os nosos corredores para que lembremos a importancia deste valor, fundamental na convivencia.

UN NADAL MOI DOCE

2010-01-22T20:39:00.015+01:00

Os alumnos e alumnas de Ed. Infantil fixemos unha "Rosca de Nadal". Estaba boííísima! Queredes vela? E se queredes facela, estes son os ingredientes: 7 ovos, 2 bolsas de levadura (tipo Royal), 3 vasos de azucre, 1Kg. de fariña, 2 tarrinas de mantequilla, unha pizca de sal, un pouco de leite, noces, uvas pasas, raiadura e zume de laranxa. Xa vedes que leva froitos que se recollen no outono (noces e uvas).

E continuamos festexando o Nadal cantando e representando a panxoliña "Se o neno nacera na selva". Vestímonos e pintámonos para a ocasión e tivemos son en directo dos bongos. Mirade que ben estamos:

Xa á volta das vacacións de Nadal e coa recente chegada dos Reis Magos, fixemos na clase o "Roscón de Reis". Buscamos a receita en internet, e como unha soa non chegaba, tivemos que facela doble e sumar as cantidades duas veces. Así que foi preciso pensar un pouco, medir, pesar, sumar, ler, amasar e EXPERIMENTAR. Comémola con chocolate á taza e algúns con nata. Estaba boííííísima! Queredes saber que lle botamos?- Fariña de forza: 650 gr. +650 gr. = 1300 gr.

- Leite: 250 ml. + 250 ml. = Medio litro (500 ml.)

- Levadura fresca: 30 gr +30 gr. = 60 gr.

- Azucre: 120gr. + 120 gr. = 240 gr.

- Mantequilla: 1200gr. + 120 gr. = 240 gr.

- Ovos: 3 + 3 = 6

- sal: 10gr. + 10gr. = 20 gr.

- Esencia de anís, raiadura de limón e froitos confitados.

E agora aver si atopades os ingrdientes nesta sopa de letras:

ESTRAGOS NO COLEXIO

2010-01-12T17:24:00.005+01:00

Nas pasadas vacacións de nadal o colexio foi obxecto de actos vandálicos e destrozos que afectaron a unha aula e ao pabellón de deporte. Esta non é a primeira vez que sucede, xa que recentemente tamén sufrimos un roubo e pintadas nas instalacións. Agardamos que non se volvan a repetir estes tristes episodios, e pregamos a todos colaboración para detectar e erradicar estes comportamentos.

Preme na seguinte dirección para ver a noticia da TVG: http://www.agalega.info/videos/?emi=9285&corte=2010-01-05&hora=20:11:25&canle=tvg1

BO NADAL!

2009-12-24T13:24:00.010+01:00

Xa chegou o nadal e no cole o vivimos con moita ilusión. Actividades coma a decoración das aulas e corredores, o mural "O nadal no Torre-Illa", a representación do festival e a visita dos Reis Magos vivironse con moita ilusión polo alumnado e os mestres. BO NADAL E FELICES FESTAS!

Gracias a todas as familas que colaboraron na elaboración de campás e bolas de Nadal en Educación Infantil e no primeiro ciclo de Educación Primaria!

AS NAIS E PAIS PINTAN INFANTIL

2009-12-15T20:01:00.008+01:00

As aulas de Educación Infantil teñen máis alegría, se cabe, que de costume. E todo gracias as nais e pais que viñeron para pintar e decorar cos seus fantásticos debuxos o chan, as paredes da entrada e os pasillos de Infantil. Moitísimas gracias a todas!

A QUE SABE A LUA ?

2009-11-24T16:18:00.009+01:00

Na semana do magosto veu Lucía, dende o concello da Illa, a facernos unha visita aos nenos e nenas de Educación Infantil. Estivemos a pensar a que podía saber a lua, e a todos nos parecía que podía saber ao que máis nos gustaba. Logo de escoitar e participar no conto "a que sabe a lua?", Lucía invitounos a un anaco de lua, ou de tarta de castañas con pinta de lua chea. Estaba boííísima!

MAGOSTO

2009-11-13T20:20:00.003+01:00

Chegou o Outono e con él o magosto do cole. Disfrutamos moito con xogos tradicionais coma as buxainas, a chave, a ra, o pano, o peletre... E as castañas e os bocatas estaban boísimos!!! Neste video tendes algunhas imaxes da celebración e da exposición de peóns decorados.

Música: Ourensóns.

FAUNA GALEGA NA ILLA DE AROUSA

2009-11-05T09:57:00.008+01:00

O alumnado de 6ºA foron os primeiros en visitar a mostra sobre a fauna de Galicia que se atopa no Auditorio do concello da Illa de Arousa.
Outros compañeiros e compañeiras faran o mesmo nos vindeiros días.
Todo aquel que queira visitar esta mostra o pode facer de luns a venres de 9:00 a 14:00 horas.
Se queres consultar a noticia que saiu en "LA VOZ DE GALICIA" pincha no seguinte enlace: http://www.lavozdegalicia.es/arousa/2009/11/05/0003_8084489.htm

SAMAÍN

2009-10-23T18:21:00.007+02:00

O 31 de Outubro pola noite celébrase a festa do Samaín. Durante esta semana. do 26 ao 28, podedes traer ao cole as vosas cabazas para facer unha exposición. Se queredes practicar antes de darlle forma á vosa cabaza, podedes pinchar na seguinte dirección e facer a vosa "cabaza virtual":

http://www.cubpack81.com/images/carve_pumpkin.swf

Despois de recortala pinchade en "DONE" para que se encenda. Pero se o que vos gusta é a cociña podedes ver receitas a base de cabaza pinchando na seguinte dirección:

http://centros.edu.xunta.es/cpideprogreso/files/a%20cabaza%20na%20coci%C3%B1a.doc

"COMO MOLA SER MONICREQUE"

2009-10-21T10:56:00.017+02:00

Hoxe veu ao cole o grupo de teatro "Matapiollos" a representar "A REBELIÓN DOS MONICREQUES".

Esta obra forma parte do programa de Normalización Lingüística "BOCABERTA" e representouse coa colaboración do concello da Illa e da editorial Galaxia.Todos disfrutamos moito cos monicreques Anteollos e Trapos, que conviven con persoaxes de carne e oso e queren compartir aventuras e pasalo moi ben. Sonche cousas de monicreques!!!

Podes consultar a noticia no xornal "La Voz de Galicia", na seguinte dirección:

http://www.lavozdegalicia.es/arousa/2009/10/22/0003_8052711.htm

OS LIBROS VOLVEN A VIAXAR

2009-10-19T10:40:00.004+02:00

Os libros volven a viaxar este curso. As mochilas e as carpetas viaxeiras están desexando chegar as vosas casas. Levan dentro novas aventuras, imaxinación, fantasía e moita diversión. Salen xa da biblioteca con moitas ganas de chegar as vosas casas. Esperamos que disfrutedes moito e... ¡Boa viaxe!

Aquí tendes algunhas recomendacións e debuxos que viñeron nas carpetas viaxeiras do curso pasado.

COMEZO DO CURSO 2009-2010

2009-09-08T11:05:00.002+02:00

Benvidos!!! Xa remataron as vacacións e este ano iniciamos o curso académico cunhas xornadas de portas abertas:

10 de setembro: de 11:00 a 12:30 para Ed. Infantil, 1º e 2º de E. Primaria.
11 de setembro: de 11:00 a 12:30 para 3º, 4º, 5º e 6º de E. Primaria.

XUBILACIÓN DO DIRECTOR

2009-06-25T12:46:00.010+02:00

Este ano o final de curso estivo marcado pola despedida do noso director. Alfonso Salgado foi director durante boa parte dos case trinta anos que pasou no Torre-Illa. A emotiva despedida do alumnado e a A.N.P.A durante a festa de fin de curso, e a homenaxe que un centenar de compañeiros lle brindaron estes días demostra o afecto e o cariño do que Alfonso se fixo merecedor ao longo deste tempo. De seguro que o vindeiro curso o botaremos en falta.

Ata sempre e Gracias Alfonso!

FIN DE CURSO 2008-2009

2009-06-24T18:18:00.009+02:00

As actividades do centro multiplicáronse neste final de curso, e moitas delas leváronse a cabo gracias á colaboración e iniciativa dos membros da A.N.P.A, tan participativos e traballadores coma sempre. A última foi a festa de fin de curso.Os xogos e os talleres de globoflexia e maquillaxe deron paso a unha rica merenda de chourizos asados, tortilla e refrescos que pequenos e maiores disfrutamos.Tamén se viviron momentos moi emotivos na entrega do agasallo que a A.N.P.A. lle tiña preparado ao director pola súa xubilación.Este ano tamén se levou a cabo a actividade de Educación Vial, e gustou moito, xa que os maiores do cole cambiaron as bicis polos "karts" para poñer en práctica o aprendido na teoría.
As representacións e os bailes de fin de curso foron todo un éxito. As obras de teatro dos nenos e nenas de Educación Infantil e 4º de Primaria gustaron moito e os maiores do cole animaron o festival con bailes e cancións que prepararon con moito esmero.

ENTREVISTA AO DIRECTOR DO TORRE-ILLA EN "LA VOZ DE GALICIA"

2009-06-13T21:01:00.002+02:00

O sábado 13 de xuño, o diario "La voz de Galicia" publica unha ampla entrevista con Alfonso na sección de "Arousanos en su rincón". Nela bota a vista atrás para lembrar os seus comezos no mundo do ensino e reflexiona sobre algúns aspectos relacionados coa situación educativa actual. Tamén ten palabras de agarimo para a Illa de Arousa, na que traballou case 30 anos, 18 deles como director. Para ver a entrevista completa pinchade no seguinte enlace:
http://www.lavozdegalicia.es/arousa/2009/06/13/0003_7781685.htm

VISITAMOS O MUSEO DA CONSERVA DA ILLA

2009-05-28T20:17:00.015+02:00

Esta semana todo o alumnado do centro visitou o museo da conserva. Foi unha visita moi especial e nos axudou a coñecer mellor a vinculación do noso pobo coa industria conserveira. Descubrimos que aló polo 1879, Juan Goday Gual instalou a primeira fábrica de conservas moderna de toda Galicia, aplicando un novedoso sistema de conservación dos alimentos que se descubriu en Francia. Tivemos oportunidade de ver como cambiaron as artes de pesca, como era a cadea de producción naquela época, ver algunha das máquinas que bombeaban aceite ou sellaban as latas, as chimeneas orixinais e tamén de coñecer mellor toda a industria conserveira galega, da que se pode decir que é pioneira a Illa de Arousa. A fábrica foi tan novedosa que nunha visita que lle fixo o rei Alfonso XII no ano 1881 quedou moi impresionado pola modernidade das instalacións e a calidade dos alimentos, e ao ano seguinte a nombrou "proveedor de la Casa Real".

Se queredes saber mais cousas visitade estas direccións:

http://www.isladearosa.com/museo_da_conserva.es.htm
http://www.celtiberia.net/articulo.asp?id=2136

CONTACONTOS EN EDUCACIÓN INFANTIL

2009-05-28T19:09:00.006+02:00

O luns 25 de maio visitaronnos, como cada ano, os contacontos da editorial "Kalandraka". Este ano os contacontos chamábanse Ana e Luis. A luis xa o coñecíamos de outros cursos. Contáronnos catro contos: 1º)"Cerca", 2º)"Garvanciño, 3º) "Amelia quere un can" e 4º) "Paxariña de papel".
Ana foi a que nos contaba os contos e Luis axudáballe con instrumentos, facendo os efectos sonoros. Algúns eran moi peculiares como por exemplo un "pao de choiva" e un "asubío" que imitaba o canto dos paxaros. Outros acompañamentos os fixo co acordeón, e como Ana estaba un pouquiño mal da gorxa tamén lle axudou a contar e cantar. Tamén nos ensinaron unha canción da "Paxariña de papel".

A BRUXA DO OESTE

2009-05-27T09:21:00.004+02:00

Coma en anos anteriores, no cole organizamos a saída ata o "I.E.S. Asorey" de Cambados para ver a representación do "TEATRO CARACOL". Este ano representaron a obra "A bruxa do Oeste". Coma sempre, disfrutamos moito coas cancións e coa posta en escea tan espectacular deste fabuloso grupo de teatro. Se queredes ver como foron os ensaios e as probas de vestiario e escoitar unha das cancións da obra pinchade neste enlace:

http://www.youtube.com/watch?v=5FcuPyZfMnk

AUDITORIO DE VILAGARCÍA

2009-05-26T22:00:00.006+02:00

O día 1 de abril os alumnos de educación infantil fomos o Auditorio de Vilagarcía para disfrutar dunha actividade que levaba por título "ESCENAS MUSICAIS".

Fixéronnos unha presentación dos instrumentos, onde aprendemos a diferencialos non so visualmente, senón tamén polo seu sonido, combinando a posta en escea coa música.

Regaláronnos un libriño a cada un onde aparecían os instrumentos que coñecemos e que recordamos con eles. Ao chegar ao cole fixemos unha maqueta dunha orquesta.
Música maestro!!!!!

A VISITA DE ANXO FARIÑA

2009-05-05T17:12:00.015+02:00

Hoxe estivo no cole o escritor e ilustrador Anxo Fariña. Trouxo toda a maxia dos debuxos no seu rotulador e mostrounos como podiamos transformar a realidade gracias ao poder da imaxinación.

Durante a visita retratou a Brais (de 2º A) coma un dragón e a Andrea (de 1º A)coma se fora unha serea.
Contounos moitas cousas dos seus libros ( Os megatoxos, a pousada encantada...) e o pasamos moi ben.

OS BOLECHAS VISITAN A ILLA DE AROUSA

2009-03-24T20:32:00.004+01:00

Os nenos e nenas de 2º tiveron a sorte de poder asistir á presentación de "Os Bolechas no Con da Illa de Arousa".Escrito por Pepe Carreiro e publicado pola editorial A Nosa Terra, o libro conta a visita que realizan os seis integrantes da saga familiar de Os Bolechas (Carlos, Loli, Pili, Braulio, Sonia, Tatá e o seu inseparable can Chispa) ao municipio, centrándose, especialmente, na Ruta dos Cons, pero tamén achegándose a outros monumentos como o faro de Punta Cabalo, O Santo, o Centro de Interpretación da Conserva ou o Muíño das Mareas. Contan neste viaxe coa colaboración da nena Carla e por un escultor, que exercen de guías no descubrimento que vai facendo a familia Bolechas dos segredos que agocha o municipio. Pepe Carreiro estivo na presentación e firmou múltiples exemplares. Como recordo trouxeron varios exemplares que estarán na biblioteca do cole e tamén uns debuxos asinados e adicados polo autor.

ENTREGA DE PREMIOS SOLIDARIOS

2009-03-24T16:22:00.006+01:00

Hai uns días que se enteregaron os premios aos gañadores do concurso de redaccións e debuxos acerca do que significa ser solidario ou solidaria. A biblioteca municipal da illa acolleu aos 15 estudantes do C.E.I.P "Torre-Illa" que resultaron premiados polos seus traballos. Durante eses días tamén se levaron a cabo as xornadas de ciencia programadas pola Consellería de Educación e o Concello da Illa.

Reportaxe publicada no Faro de Vigo.

A VISITA DE XAN AO COLE

2009-03-19T13:18:00.008+01:00

Este Martes, coincidindo co Día Mundial do Mar, visitounos Xan (a mascota da Consellería de Pesca e Asuntos Marítimos). Animounos a que o peixe forme parte da nosa dieta para que sexa máis saudable e repartiu moitos agasallos. E lembrade:

"¡Se queres estar forte e san come peixe como Xan!"

Se queredes ler máis sobre esta visita consultade a páxina web da "Consellería de Pesca e Asuntos Marítimos" pinchando na seguinte dirección:

http://webpesca.xunta.es/pescacms/opencms/WebPesca/salacomunicaciones/Noticias/comunicacion_1372.html

SEMANA DA PRENSA NO TORRE-ILLA

2009-03-11T17:36:00.013+01:00

Esta semana estamos a conmemorar a 21ª semana da prensa na escola. Nestes días, os xornais e as revistas forman parte do traballo dentro das aulas, e nos recreos pódese visitar a biblioteca e ler os xornais e as revistas que forman parte dunha exposición na que se renovan todolos días os xornais. Tamén se poden consultar as edicións dixitais de moitos xornais en Internet (prensa local, deportiva, autonómica, nacional e internacional).
Pinchade no seguinte enlace para ver o especial "prensa na escola" da "Voz de Galicia":

http://www.prensaescuela.es/archivos/VE20090311.pdf

A RECETA MAIS GOLOSA DE INFANTIL

2009-03-11T14:58:00.018+01:00

Hai pouco vos contamos como daban os primeiros pasos na cociña o alumnado de Educación Infantil. Agora nos queren dar unha das recetas que fixeron ese día para que tamén podamos facer nos as deliciosas "TORTITAS AMERICANAS".
Pero a cousa non ía ser tan fácil e, coma todos os bos cociñeiros, os nosos nenos e nenas gardan con moito segredo os ingredientes das suas recetas. Se queredes saber a receta, primeiro tendes que resolver o encrucillado que nos propoñen.

Primeiro hai que adiviñar os INGREDIENTES:

1. FAI LEVEDAR (1 sobre).

2. É DE ORIXE ANIMAL;DAO AS VACAS, CABRAS E OVELLAS (Medio litro).

3. É DE ORIXE VEXETAL E É DE COR BRANCA (300 gramos).

4. É DE ORIXE ANIMAL E OS POÑEN AS AVES (2).

5. É DE ORIXE VEXETAL, FAISE DA NATA DA LEITE (25 gramos).

6. É DE ORIXE VEXETAL, O SEU SABOR É DOCE E É BRANCA (2 culleradas )

7. É DE ORIXE VEXETAL E EMPLEASE COMO AROMÁTICO NOS DOCES. TAMÉN HAI XEADOS DESE SABOR (Un pouco).

Pois si xa sabedes todos os ingredientes, agora fixádevos na PREPARACIÓN

Mezclamos todo coa batidora e vertemos un chorro sobre unha sartén ou plancha quente (como coas filloas pero sin untar a plancha). Despois podemos comelas con azucre, nata, sirope de chocolate, caramelo, etc...
Están boíííííísimas!!!!

APRENDENDO A COCIÑAR E A COMER BEN

2009-03-04T14:40:00.010+01:00

Os nenos e nenas de Educación Infantil recibiron esta semana a visita dun cociñeiro de prestixio para ensinarlles como se deben comportar na mesa, a diferenciar e apreciar os aromas e os sabores das comidas e das bebidas e a facer galletas, tortitas, batidos e pan. O Técnico Especialista de Hostelería, e cociñeiro do Parador de Cambados, Antonio Bono, chegou ao cole ben cedo cargado cos seus utensilios de cociña (un forno profesional, unha plancha eléctrica, vaixela, espátulas, xerras, frascos...) e cos ingredientes necesarios para poñerse mans á obra. Antonio nos animou a probar sempre os alimentos e a non rexeitalos dicindo "non me gusta", xa que é fundamental aprender a comer de todo para ter unha boa alimentación e levar unha dieta saudable.
A experiencia resultou moi positiva para todos, e hai que decir que as galletas e tortiñas que fixeron os nosos pequechos estaban boísimas!

Pinchade na seguinte dirección se queredes ver a noticia da Voz de Galicia:

http://www.lavozdegalicia.es/arousa/2009/03/03/0003_7564397.htm

PREVENCIÓN DAS DIFICULTADES NA LINGUAXE ORAL

2009-02-13T14:03:00.005+01:00

O Departamento de Orientación do C.E.I.P. "Torre-Illa" ofrece unha charla a todolos pais e nais que estén interesados sobre a PREVENCIÓN DAS DIFICULTADES NA LINGUAXE ORAL INFANTIL. Terá lugar o martes 17 de febreiro na sala de usos múltiples do colexio ás 16 horas. Esta actividade está especialmente adicada a pais e nais con fillos e fillas en idades comprendidas entre os 0 e os 5 anos.

UNHA ESCOLA MAIS ECOLÓXICA

2009-02-09T14:40:00.028+01:00

PRINCIPIOS DA COMPOSTAXE

Os principios da compostaxe son: non contaminar, protexer o medio ambiente e a natureza.

Na compostaxe recíclase todo o que se pode: cascas de banana e outras frutas...

É conveniente telo embaixo dunha árbore de folla caduca.

Tarda seis meses a se facer. Tamén se pode botar aos cinco, máis mellor é aos seis. Pódese pasar por unha rede para deitar nun vaso.

Antía Otero Pérez. 6ºB

A COMPOSTAXE E A RECICLAXE

Cando compostamos, o 50% da materia orgánica deitámola outra vez na terra e adubamos. Se non fose así, a materia esa sería queimada e contaminaría moitísimo.

Ángel Iglesias Paz. 6ºB

OS COMPOSTADORES DA ESCOLA
Na escola aproveitamos as cascas da fruta e nos recreos continuamos un proceso. Un día pedímoslle composteiros ao concello e todos os meses traenos toxo.

Para comenzar, han de seguir estes pasos:

- Procuramos un lugar onde non chova moito.

- Enches unha camada de toxo de 10 ou 15 cm na base.

- Ha de ter unha trampa para que non entren as ratazanas e os ratos.

- Vertes unha capa de materia orgánica por duas de toxo.

- Ao día seguinte repites o proceso.

- Darlle voltas 3 veces á semana para airear e evitar malos cheiros.

Ana Otero Romero. 6ºB

A ESCOLA MUNICIPAL DE MÚSICA CHEGA AO COLE

2009-01-19T12:49:00.005+01:00

O venres 16 de xaneiro os profesores da escola municipal de música da Illa ofreceron un concerto didáctico a todo o alumnado do centro. O certo e que gustou moito, e seguro que algún se animará a participar logo de ver as posibilidades que ofrecen os distintos instrumentos musicais que puideron escoitar.

¡BO NADAL E FELICES FESTAS!

2008-12-22T10:43:00.006+01:00

(pinchade na imaxe para vela máis grande)

Xa rematou este primeiro trimestre do curso, e o fixo cargado de actividades de nadal. Primeiro coa decoración das aulas e do cole, logo as actuacións do festival de nadal e por último a visita das suas Maxestades de Oriente, os Reis Magos. Estas actividades fixeron disfrutar tanto aos pequenos coma aos maiores do cole.

¡BOAS FESTAS E FELIZ 2009 A TODOS!

OS LIBROS MAIS SOLIDARIOS DO ANO

2008-12-15T21:02:00.008+01:00

Coma en anos anteriores, todo o alumnado do colexio colaborou coa fundación "Amigos de Galicia" traendo algún xoguete ou roupa para os nenos que non teñen tanta sorte coma eles. A cambio deste agasallo, a biblioteca do concello da Illa repartiu a cada neno un libro. Ao acto acudiron representantes de "Amigos de Galicia", o concelleiro de cultura, Juan Otero; a encargada da biblioteca municipal, Ángela Otero e a Delegada de cultura María Xesús López.
Durante o acto tamén se recolleron os libros que doaron para o colexio o concello de Vilagarcía e a librería "Castelao" da Illa de Arousa.

Se queredes podedes consultar a noticia que saliu publicada na Voz de Galicia facendo click sobre o seguinte enlace:
http://www.lavozdegalicia.es/arousa/2008/12/12/0003_7387995.htm

EXPOSICION DE FOTOS ANTIGAS

2008-12-12T13:14:00.002+01:00

Dende hai uns días podedes ver polos corredores da escola unha pequena exposición de fotos antigas da Illa.
Hai fotos que amosan como era o colexio fai moitos anos, como eran os nosos pais cando viñas á escola, a vida na Illa antes da ponte, etc.
Xunto a elas atoparedes un conxunto de ditos, cantigas, refráns de sempre.
Agardamos que vos guste.

EXPOSICIÓN FROITOS DO OUTONO

2008-12-09T17:33:00.008+01:00

Os alumn@s de Educación Infantil deste cole fixemos unha exposición de froitos do outono:

Froitos secos: abelás, noces, amendoas, castañas, landras...

Froitos carnosos: mazás, peras, kaki, parsimón, milgrans, kiwi, mandarina, marmelos,...

Así coma tamén outros produtos que se dan nesta época do ano, como os COGOMELOS, CABAZAS E CHAYOTE, este último coñecido por unha minoría. Dado que non o coñecemos, procedemos a investigación do seu nome porque había discrepancias, dándolles nomes diversas tales como xuxo, pataca do Brasil... Fomos a Internet onde poidemos ver que a denominaba como:

chayote

Patata del Brasil trepadora

Papa del aire

Papa del moro

E di que procede de centroamérica.

A curiosidade movíanos a moitos e unha nai que estaba receptiva ao tema, viu no programa de Tele5 (Bricomanía)que falaban deste producto referíndose a el como CHAYOTE.

Podemos dicir das súas características:

que ten un sabor parecido ao da pataca

na pel ten coma uns pinchos, uns teñen a pel dunha cor verde e outros amarela.

dentro ten unha pepita grande

a planta que a da é trepadora e a súa folla parecida as das cabazas

Aquí na Illa hai varias casas onde a cultivan.

Esta Exposición rematou cunha degustación destes froitos. Un día probamos os froitos carnosos e outro os secos, hai que dicir que houbo nen@s reacios a probar algún. Isto sírvenos como punto de partida para comezar os ALMORZOS CONTROLADOS no cole, onde cada día teñen que traer un tipo de alimento entre eles o xoves tocanos FROITA. Esperamos que esta actividade previa de degustación nos axude a que se animen a seguir probando algúns sabores novos e fomentemos o gusto pola froita.

OS XIGANTES DE NUNCA ACABAR

2008-12-05T12:33:00.007+01:00

Disfrutamos todos moito con esta representación inspirada na obra de Xoan Babarro "Os xigantes de nunca acabar". Disfrutamos e cantamos con eles, e algúns ata formaron parte da obra e subiron ao escenario para actuar de alcaldesa, policía e secretario.

¡Todo un éxito!

POLO MONTE ABAIXO...

2008-11-21T10:23:00.003+01:00

No contro dos "Tres xigantes" aparecía esta canción que as nenas e nenos de 1ºA aprendimos. Aí vai:

Polo monte abaixo

polo monte arriba

coas patiñas cansas

vai unha formiga

cun saquiño ao lombo

de fariña triga,

cun saquiño ao lombo

de fariña triga.

Eloy, Cristina, Andrea, Diana, Miguel Cores, Javier, Laura e Isabel.

EXPOSICIÓN DE PEÓNS

2008-11-18T17:01:00.008+01:00

Xa temos as fotos da exposición de peóns, así que podedes consultar o álbum.

Desde aquí aproveitamos para agradecer a colaboración de:

1ºA (Aldara, Javier, María, Sergio, Laura, José e Carla)

1ºB (Mauro, Roberto, Mónica e Gemma)

2ºA (Zaira, Brais e David L.)

2ºB (Pablo R., Santi, Alba, Alex, Paula, Ahinara, Andrés, Sandra e Adriana )

3ºA (Noa I., Yanira, Noelia, Juan A., Laura e Jennifer)

3ºB (Adriana)

4ºA (Laura B.)

5ºA (Alba)

6ºB (Ana Pena)

Moitas grazas a todos por permitirnos ver os vosos diseños de peóns e xa sabedes que contamos con vós outra vez o vindeiro ano.

E non esquezades o dito:

POLO SAN MARTIÑO PEÓNS AO CAMIÑO

E POR SANTA EULALIA PEÓNS Á BORRALLA.

ou:

POLO SAN MARTIÑO PEÓNS AO CAMIÑO

E POR SAN AMARO PEÓNS AO FAIADO.

DON RAIMUNDO

2008-11-17T10:15:00.006+01:00

Don Raimundo Arreola

tenn dous cans e duas cadelas.

Os seus cans son Pirri e Roa.

As suas cadeliñas Reme e Rita.

Eva,Alba G.,David,María,Aldara, Miguel D, Cibrán,Adrián,Sergio,Jose,Bea, 1ºA

SESIÓN DE TÍTERES

2008-11-14T20:08:00.003+01:00

O vindeiro xoves 20 de novembro, o alumnado de Educación Infantil, 1º, 2º,3º e 4º de Primaria terán a oportunidade de asistir á representación de "Os xigantes de nunca acabar".
Esta obra de títeres está a ter moito éxito, e seguro que fará as delicias dos nenos e nenas.
Esperamos que o pasedes todos moi ben! Que vivan os contos, a imaxinación e a ilusión!

NOVO PATIO DE INFANTIL

2008-11-11T22:26:00.008+01:00

Os nenos e as nenas de Educación Infantil andan estes días moi contentos; Xa puideron estrear o patio novo, xogar e brincar nos columpios. Ainda falta por rematar a outra metade, na que teñen que quitar a gravilla, pero confían en poder disfrutar de todo o patio en breve. Caerse aquí non debe doer tanto coma antes, xa que o chan é de caucho brandiño. ¿A que está moi ben?

2008-11-06T13:36:00.006+01:00

SAMAIN

Grazas a todos polas vosas cabazas!!

Foi complicado escoller, pero consideramos que as mellores foron as realizadas por:

INFANTIL, 3 ANOS: RUBEN

INFANTIL, 4-5 ANOS: ANA

1ºA: DIANA

1ºB: ELSA

2ºA: TAIS

2ºB: AHINARA

3ºA: YANIRA

3ºB: SABELA

4ºA: LAURA

4ºB: MIGUEL O.

4ºC: ANA

5ºA: KATIA

5ºB: SARA M.

6ºA: LARA

6ºB: LARA Y ANA

Xogos populares

2008-11-01T10:02:00.001+01:00

Antes de que vexamos os gañadores do concurso das cabazas, anticípovos que xa dentro de poco é o Magosto, e como tódolos anos participaredes nos Xogos populares. Se entrades aquí podedes ver algunhas ideas para os xogos http://centros.edu.xunta.es/contidos/premios/p2007/c3_xogo/

SAMAIN

2008-10-27T12:43:00.001+01:00

Convidámosvos a celebrar con nós a festa do Samaín. Poderedes traer cabazas decoradas durante toda esta semana ó colexio.

As cabazas estarán expostas no corredor ó carón da aula de inglés.

ORTOGRAFÍA

2008-10-11T10:27:00.002+02:00

Tedes problemas a hora de escribir? Os vosos profes sempre vos din que non tedes que cometer tantas faltas. Este problema vaise acabar. Entra no seguinte enlace http://www.ejerciciosortografia.com/html/menu.htm. Xa veredes que facil é escribir ben. E un consello, non vos esquezades de ler...

PRACTICA AS TUAS MATERIAS

2008-10-11T10:22:00.000+02:00

Practica as túas materias en galego. Fai clic no seguinte enlace http://www.edu.xunta.es/contidos/portal/primaria.htm e non te quedes atrás.

FRAY PERICO Y SU BORRICO

2008-10-11T10:07:00.001+02:00

Isto eran vinte Frailes franciscáns que vivían nun antigo convento cerca de Salamanca. Tiñan a cabeza afeitada, a barba moi branca e un hábito con remendos. Camiñaban en fila polos corredores do convento, todos os Frailes facían o mesmo, si un tropezaba, os outros tropezaban, si un se caía os outros tamén, si un rezaba os outros tamén rezaban, si un facía os deberes os outros tamén o facían. E non vos contamos máis...

Animadevos a lelo. Os alumnos de 4ºA aseguramosvos moitos minutos de diversión coa súa lectura

O OUTONO

2008-10-11T10:03:00.001+02:00

Chegou o outono e os alumnos de 4º A quixeron darlle a benvida facendo este mural. Esperamos que vos guste.

NOVIDADES NA BIBLIOTECA

2008-10-08T11:58:00.001+02:00

Xa está a funcionar o sevicio de préstamo da biblioteca do cole. Os luns, mércores, xoves e venres, coincidindo cos días das actividades extraescolares, entre as 17 e as 18 horas poderedes visitar a biblioteca e coller un libro para disfrutar na casa.

Estas son algunhas das novidades que poderás atopar

Kika Superbruja y la ciudad sumergida.

28 Historias para rir. Ursula Wölfel

O fillo do rei desaparecido. Xoán Babarro

A pousada encantada. Anxo Fariña.

BENVIDOS

2008-09-30T13:14:00.000+02:00

Benvidos ao curso 2008-2009 do ceip Torre Illa. Espero que este ano entredes moito no noso blog e participedes cos vosos comentarios. Iremos poñendo ao longo do curso todas as novas, traballos e actividades que vaian xurdindo.

¡Rematou o curso!

2008-06-27T20:03:00.000+02:00

Logo de todo un curso de traballo e sacrificios, chegaron as merecidas vacacións de verán. Os nenos e as nenas de 2º A vos deixan este retrato disfrazados de Caiapós do Amazonas, baixando coas súas canoas polo río. Buscade a ver si atopades a todos os que levan lanza.

Pincha co rato na imaxe para vela máis grande.

¡Boas vacacións e ata pronto!

Os murais de 2º

2008-06-01T19:09:00.001+02:00

Estes son os nosos murais, ¿a que están moi bonitos? Lástima que ao remate do curso teñamos que quitalos. Aquí poderemos disfrutalos un pouco máis de tempo.

Normas do cole

2008-06-01T18:11:00.001+02:00

http://www.youtube.com/watch?v=pgDFzTAHyf0