Páxinas

22/12/12

BO NADAL!


O nadal chegou ó cole cargado de maxia, ilusión e moitas sorpresas.


 Os  Reis Magos viñeron escoitar panxoliñas, recolleron as cartas e deixaron algúns doces.
As representacións e as actuación do festival estiveron marcadas este ano pola catástrofe do Prestige, xa que este ano cúmprese o décimo aniversario da traxedia. A crise económica tamén se deixou notar no portal de Belén.
O chocolate con churros que prepararon os pais e as nais estaba boísimo. Mirade como dan boa conta del os máis pequenos.


 O cole quedou moi fermoso cos corredores decorados con motivos navideños feitos polo alumnado e profesorado


Bo Nadal!

14/12/12

RECITANDO CELSO EMILIO

O pasado día 12 do 12 do 2012 cumpriuse o centenario do  nacemento do poeta celanovés Celso Emilio Ferreiro, unha das voces fundamentais da literatura galega da segunda metade do século XX. E por iso nas aulas recitáronse estes días algúns dos seus poemas: "Deitado frente ao mar", "Longa noite de pedra" ou "Inverno" foron algúns deles . Aquí tendes un fragmento de "Inverno":
Chove, chove nacasa do probe
e no meu corazón tamén chove
Dor da mau encallecida
dor da xente aterecida
de frío polos camiños.
Dor dos vellos e meniños...
Chove, chove na casa do probe
e no meu corazón tamén chove.

30/11/12

TARTA DE CASTAÑA



 Xa que estamos na época das castañas, os cociñeiros de Infantil  seguimos  practicando a repostería. Agora  tocou  TARTA DE CASTAÑASAdemais de aprender moitas cousas relacionadas cos distintos ingredientes, por exemplo como se chama a árbore que da as castañas, como é a folla, de que orixen son os distintos ingredientes,  etc… Traballamos a lectoescritura, escribindo e lendo  os ingredientes nos envases, na pizarra e no papel, pesamos, sumamos, restamos coas cantidades, E QUÉ CANTIDADES! 600, 3OO, son uns números moi grandes!
 Dun xeito lúdico e de forma  manipulativa aprendemos e pasámolo  pipa .
- Migamos  as  galletas mezclámolas coa margarina e fixemos a base no molde.

- a mestra coceu  as castañas e quitámoslle a tona máis  delgadiña
- engadimos  todos os ingredientes; lendo a lista máis os envases e contando, sumando e pesando.
- a profe misturou todo coa batidora
- botámola no molde sobre a base de galleta
-despois de cocela,   este é o resultado,  VOILA!

A  que nos quedou moi bonita?, bueno porque a decoramos   con castañas e crema de castañas, servíndonos  dunha "manga" pastelera.
Estaba  moi  rica, nos comemos un cachiño e como nos gusta compartir levámoslles un anaquiño ás  nosas familias.
Se queredes  facela,  tendes que  buscar os ingredientes nesta sopa de letras, nos xa a fixemos, é moi fácil.
QUE VOS  APROVEITE LARPEIROS!


26/11/12

ROI CASAL NO COLE

 Esta semana tivemos unha visita moi especial. O concello trouxo a Roi Casal e Silvia Ferre, que viñeron cargados con todo o necesario para tocar e cantar algunhas pezas moi fermosas, unha delas con versos de Rosalía de Castro. Tamén aprendimos algunhas características dos instrumentos que tocou, e contounos curiosidades. Agora sabemos que a semellanza entre o arco e a arpa non é casual, e nela pode estar a orixe deste instrumento. Foi un pequeno concerto de moito proveito, e a música e a voz de Roi e Silvia engaiolaron a todos. Mirade que atentos están os pequechos!

20/11/12

XELATINA DE UVA

Ós nenos e nenas de Educación Infantil gústalles aprender experimentando coa repostería. Hoxe tocou Xelatina de uva. Primeiro sacamos as uvas do racimo. Mirade que concentrados están Jorge e Alexandre.

A continuación botamos man da licuadora e fixemos o zume. Que algarabía!
 Tais trouxo unhas uvas tintas da súa casa que deixaban a lingua morada e que facían moi bo mosto.
Mentres esperabamos a que cuaxara a xelatina recortamos unha fermosa blonda para a presentalas nas bandexas.
 Houbo que darlle forma á xelatina cuns moldes especiais e este foi o resultado.
 Quedaron moi bonitas, pero a próxima vez botaremoslle máis azucre, xa que quedaron un pouco insípidas. Aínda que a Borja parece que lle prestou. Un bo traballo! 


16/11/12

MAGOSTO


O magosto chegou cargado de castañas, bocadillos de chourizos asados e moita diversión. Aquí tendes ós nenos e nenas de Educación Infantil visitando ós cociñeiros e aproveitando as brasas para pintar a cara.
Tamén houbo tempo para degustar as castañas. Ás veces non é doado pelalas, pero o esforzo pagou a pena porque estaban moi saborosas.

06/11/12

OS DÍAS MÁIS TERRORÍFICOS

Estes días daba medo camiñar polos corredores do colexio. Morcegos, bruxas, esqueletes, pantasmas e cabazas arrepiantes aparecían por todos os recunchos. Aquí están algunhas delas e os seus autores.


 Todos quixeron facerse unha foto coa bruxiña do Samaín.



 As exposicións quedaron terroríficamente ben gracias ós estupendos traballos de todo o alumnado e as súas familias. Noraboa a todos os artistas!


 En Educación Infantil traballaron moito nas súas cabazas e na decoración das exposicións. Esta bruxiña de cabaza fixeronna os nenos e nenas de cinco anos coa axuda da súa mestra. Non lle falta detalle!

26/10/12

SAMAÍN


 O 31 de outubro festexamos o samaín. Os celtas celebraban co Samaín o paso do ano e era costume deixar o lume aceso nesta noite e nunca limpar a lareira para non afastar as ánimas. Afírmase que polo samaín era costume baleirar cabazas de gran tamaño para pórlles dentro candeasOs días 29, 30 e 31 de outubro podedes traer a vosa cabaza de Samaín para expoñela nos corredores do centro. Lembrade identificalas co voso nome e o voso curso. O último día da exposición e o 31 de outubro. Ese día haberá que recollela antes de marchar. As cabazas que non se recollan ese día irán ó lixo, xa que o centro permanecerá pechado ata o 5 de novembro e as cabazas estragaríanse igualmente.

24/10/12

CONSUMO DE FROITA NA ESCOLA

Este curso o noso centro participa no Plan de Consumo de Froitas na Escola. Esta actividade está subvencionada con fondos da Unión Europea e consiste na entrega de froita a todo o alumnado do centro durante duas semanas do curso no horario do recreo. Esta é a primeira semana, coa seguinte froita: Luns mazá tipo "golden", martes pera, mércores plátano, xoves mazá vermella e venres mandarina. Esta actividade ten como finalidade acadar uns hábitos saudables de alimentación na poboación infantil, reducindo a obesidade e as enfermidades asociadas. Para saber máis podedes consultar o seguinte enlace do Ministerio de Agricultura, alimentación e Medio Ambiente   
 http://www.alimentacion.es/gl/plan_de_consumo_de_frutas_en_las_escuelas/                                                                 

19/10/12

A VISITA DUN CAMPIÓN MUNDIAL


Esta semana veu polo colexio o ex alumno Ramón Ferro, recente campión mundial de piragüismo na clase C 2. Primeiro visitou as aulas dos maiores e atendeu ás súas preguntas. Logo, nun pequeno acto celebrado durante o recreo, recibíu unha forte ovación por parte de todo o alumnado e recolleu un agasallo. O ten ben merecido, xa que compaxinar o seu traballo co deporte e lograr ser o mellor do mundo é admirable. Noraboa campión!

07/10/12

O ZOO MUSICAL

A escola de música da Illa de Arousa presentou no cole o seu zoo particular. Os animais, que eran os  instrumentos dos profes da escola, foron soando individualmente para rematar tocando todos xuntos fermosas melodías e cancións moi coñecidas por todos. Así presentaron ó león (a guitarra), á cebra (o teclado), o canguro (o saxofón)... Con todos eles aprendimos moitas cousas e pasamolo ben. Bravo maestros!

18/09/12

UNHA ESCOLA PARA TODOS

 As dependencias do colexio están moito mellor sinalizadas gracias ós pictogramas que o Concello instalou estes días polo cole, coa colaboración da asociación "Por Dereito" e do Centro. De agora en diante a  organización dos espazos será máis comprensible para as persoas con autismo ou dificultades na comunicación. A que quedaron moi ben?