As clases de 3ºA e 3ºB tamén inventamos receitas saudables para facer un “bocata” de conserva e logo creamos estes cómics con elas.
11/06/22
ALIMÉNTATE BEN 4º ED. PRIMARIA
En 4º tivemos a oportunidade de visitar o Viveiro que nos cedeu a Cofradía de pescadores para facer a semente de ameixa.
Visitamos tamén o Museo da conserva da Illa de Arousa para coñecer de
primeira man como facían os nosos antepasados para conservar os alimentos.
Traballamos a importancia dunha alimentación e dieta saudable
Creamos o noso propio dicionario do mar
E tamén fixemos un libro de cantigas, refráns e adiviñas
relacionados co mundo da pesca
ALIMÉNTATE BEN 6º ED. PRIMARIA
COÑECENDO OS SECTORES PRODUCTIVOS DO MAR
Durante este curso desenvolveuse un proxecto educativo co obxectivo de achegar ao alumnado de 6º aos diferentes sectores productivos que xiran arredor da pesca na súa contorna máis próxima. Ademais de achegarse ao sector económico co que boa parte da poboación na súa contorna subsiste, e a cadea productiva que orixina a pesca, poidan coñecer máis de preto a historia e cultura do seu pobo.
O MARISQUEO. CREACIÓN DUN VIVEIRO
Comezamos o proxecto coñecendo o traballo das mariscadoras e mariscadores. Desta maneira e da man da Cofradía da Illa de Arousa, puidemos coñecer como se crea un viveiro, os pasos que se dan e coidados que debe ter para que a ameixa poida medrar e posteriormente ser recollida. Foi así creamos o noso propio viveiro na praia que se nos cedeu da Illa de Arousa.
A LONXA
Nesta visita da man das mariscadoras e bateeiros puidemos visitar a lonxa, onde se nos explicaron cales eran as zonas de cultivo de mexillón da Illa de Arousa, ademais de coñecer as diferentes variedades de ameixa que sepoden atopar nesa zona.
A CONSERVEIRA. TRADICIÓN E HISTORIA
A industria conserveira na Illa de Arousa foi no pasado moi importante.
Deste legado, consérvase a antiga Fábrica Goday, convertida agora en museo. Pioneira en Galicia, dou emprego a varias xeracións que puxeron voz a un documental que o alumnado puido visionar.
Ademais fixeron unha visita guiada pola antiga conseveira coñecendo os pasos que seguen os diferentes produtos unha vez son recibidos, como o transporte, limpeza, cocción, enlatado, peche e etiquetado.
No seguinte enlace poderedes ver todo isto
PREME NA IMAXE PARA ACCEDER Á INFORMACIÓN
EXPOSICIÓN "MUSEO DA CONSERVA"
No Museo da Conserva do Concello da Illa de Arousa están expostos algúns dos traballos relacionados coa pesca realizados polo alumnado.
Esta é unha forma de dar a coñecer a todas as persoas que visitan este museo, tanto do propio concello coma de concellos veciños, o gran traballo que realizou toda a comunidade escolar ao longo do curso.
.jpg)
Subscribirse a:
Publicacións (Atom)